Аудандық ішкі саясат бөлімінің мемлекеттік тапсырысы шеңберінде «Қорқыт елі – Қармақшы» жастар қоғамдық бірлестігінің ұйымдастыруымен Жастар үйінде Елбасы Н.Назарбаевтың халыққа Жолдауын насихаттау мақсатында 14 пен 29 жас аралығындағы жастар арасында дәстүрлі «Жолдаудың сөзі – Жастардың көзімен» атты аудандық шығарма байқауы өтті.
"Нұр Отан" партиясы аудандық филиалы төрағасының бірінші орынбасары Д.Буханов, аудандық маслихат депутаты Г.Раева, "Қармақшы таңы" газетінің редакторының орынбасары Н.Жанәділов, «Нұр Отан» партиясы жанындағы «Жас Отан» Жастар қанатының аудандық бөлімшесінің төрағасы А.Скендиров және аудандық оқушылар үйінің бұқаралық-ұйымдастастыру бөлімінің жетекшісі М.Аймахановалар әрбір шығарманың жазылу мәтініне, сөздік қордың молдығы мен әрі нақты жазылғандығына мән берді. Байқау қорытындысы бойынша сөз шеберлігін анық жеткізе білгені үшін Рауан Қанатқызы ІІІ орынды, Ақбота Байжанова ІІ орынды иемденсе, байқау жеңімпазы атанған Аружан Әуесбаева І орыннан көрінді.