"Аймақтар аламаны" Тұрмағамбетте
ЖОСАЛЫ, 14 қараша - qarmaqshy-tany.kz Қазақстан Республикасының Тұңғыш Президенті, Елбасы Н.Назарбаевтың «Болашаққа бағдар: Рухани жаңғыру», «Ұлы даланың жеті қыры» бағдарламалық мақаласы және Жастар жылы аясында Ш.Төлепова атындағы мәдениет үйімен «Қармақшы жастары» ЖҚБ-нің ұйымдастыруымен «АЙМАҚТАР АЛАМАНЫ» атты ауыл өнерпаздарының өнер фестивалі Тұрмағамбет ауылында өтті.
Фестивальдің шарты бойынша арнайы жасақталған әділ қазылар алқасы Алдашбай ахун ауылы мен Тұрмағамбет ауылы өнерпаздарының өнерін сарапқа салды. Нәтижесінде Тұрмағамбет ауылы өнерпаздары және Алдашбай ахун ауылының көрмесі жартылай финалға жолдама алды. Фестиваль барысында түрлі жанрлар бойынша танылмай жүрген талантты өнерпаздар сахна төрінен орын алып, соның ішінде «Қыз қасқыр» қойылымымен Тұрмағамбет ауылының жастар драма үйірмесі ерекше көзге түсті.
Сонымен қатар, аудандық мәдениет үйінің мамандары би, вокал, театр өнері жанрлары бойынша мастер класс көрсетіліп, ауыл жастарының шығармашылығына серпіліс жасады.
