Алтын діңгек-өзім туған босағам

Тұрмағамбет ауылында Елбасы Н.Ə.Назарбаевтың "Болашаққа бағдар: Рухани жаңғыру" мақаласының "Туған жер"бағдарламасы аясында "Алтын діңгек-өзім туған босағам" тақырыбымен Төребай би ауылының көркемөнерпаздарының концерттік бағдарламасы өтті. Концертке қатысушыларды ауыл əкімі Есқалиева Сəрсенкүл Əлімжанқызы бастап келді. Талай ақындар, өнер саңлақтары өнер көрсеткен Тұрмағамбет ауылындағы клуб үйінің киелі сахнасында Төребай би ауылының көркемөнерпаздары тамылжыта əн шырқап, дөңгеленіп би биледі. Концерттік бағдарлама өте тартымды, жақсы ұйымдастырылған. Ауыл тұрғындары көп жиналды, өнерпаздарға қол соғып ыстық ықыластарын білдіріп отырды. Концерт соңында аудандық мəслихат депутаты Н.Пірмантаев Төребай би ауылының көркемөнерпаздарына, оны бастап келген ауыл əкімі С.Есқалиеваға алғысын білдіріп, "Ықылас гүлін" (қаржылай) табыстады. Ауыл əкімі Есқалиева Төребай би ауылдық округі əкімшілігі атынан Тұрмағамбеттіктерге ризашылығын білдірді.