"Аймақтар аламаны" Төребай биде
ЖОСАЛЫ, 20 қараша - qarmaqshy-tany.kz ҚР Тұңғыш Президенті, Елбасы Н.Назарбаевтың «Болашаққа бағдар: Рухани жаңғыру», «Ұлы даланың жеті қыры» бағдарламалық мақаласы мен Жастар жылы аясында аудандық мәдениет және тілдерді дамыту бөлімінің ұйымдастыруымен «АЙМАҚТАР АЛАМАНЫ» атты ауыл өнерпаздарының өнер фестивалі Төребай би ауылында өткізілді.
Фестивальдің шарттары бойынша арнайы жасақталған әділ қазылар алқасы Төребай би ауылы мен Иіркөл ауылының өнерпаздарының өнерлерін сарапқа салды. Нәтижесінде Иіркөл ауылы өнерпаздары жартылай финалға жолдама алды. Фестиваль барысында түрлі жанрлар бойынша танылмай жүрген талантты өнерпаздар сахна төрінен орын алып, Төребай ауылының «Әжелер» ансамблі ерекше өнерімен халыққа танылды.
Сонымен қатар, аудандық мәдениет үйінің мамандары би, вокал, театр өнері жанрлары бойынша шеберлік сағатын көрсетіп, ауыл жастарының шығармашылығына серпіліс жасады.
