Ұландар әскерге аттанды

qarmaqshy-tany.kz Бүгін Жосалы кентінің «Тағзым» алаңында жастарымызды әскер қатарына шығарып салу салтанаты өтті, деп жазады аудандық Ішкі саясат бөлімі. Шарада аудан әкімінің орынбасары Еркебұлан Қайырбекұлы, Вьетнам соғысының ардагері Иса Бисенов құттықтау сөз сөйлеп, жігіттерге әскери өмірге аттаған қадамдарына сәттілік тіледі. Сондай-ақ, аудандық жастар ресурстық орталығының директоры сап түзеген болашақ сарбаздарға Қармақшы жастарының атынан «аманат хат» пен естелік сыйлықтар табыстады. Шара соңында аудандық ардагерлер кеңесі төрағасының орынбасары Сәдуақас Шалабаев жастарға батасын беріп, аудан өнерпаздары ән-жырдан тарту жасады.