Е.Меңлібаев жеңімпаздарды қабылдады

Қармақшы аудандық Жастар ресурстық орталығында жуырда Астана қаласының 20 жылдығы аясында Астана қаласында өткен халықаралық «Ел жүрегі - Астана» атты өнер фестивалінде бас жүлдені иеленген Қармақшы аудандық мәдениет үйі жанынан құрылған «Айқаракөз» би тобының мүшелерін аудан әкімінің орынбасары Е.Меңлібаев қабыдап, кездесу өткізді. Кездесу барысында халықаралық байқау жеңімпаздарына аудан әкімінің орынбасары Е.Меңлібаев алғыс хаттар мен естелік сыйлықтар табыс етіп, игі тілектерін жеткізді.
«Айқаракөз» би тобымүшелерінің ата-аналары атынан Ағилаш Қанибетова, Роза Әбдірашқызы және Гаухар Жәкебайқызы өз ризашылықтарын жеткізіп, бірқатар ұсыныс-пікірлерін білдірді.
Шара аясында өнерпаз жасөспірімдер мен ата-аналары "Қорқыт елі-Қармақшы" жастар қоғамдық бірлестігінің ұйымдастыруымен аудандық тарихи-өлкетану музейіне экскурсия жасады.