Жастар Астананы әнге қосты

Ш.Төлепова атындағы аудандық мәдениет үйі алаңында аудандық мәдениет және тілдерді дамыту бөлімінің қолдауымен Астана қаласының 20 жылдығы аясында ашық аспан астындағы «Әнім сенсің – Астана!» атты каркоке-шоу өтті. Айта кетейік, шарадағы әндер «Қармақшы» вокалды-инструменталды ансамблінің /ВИА/ сүйемелдеуімен орындалды.
Қызықты кешке жиналған жастар арасында Астана тақырыбында әндерді орындаумен қатар викториналық сұрақтар қойылды. Сондай-ақ, жас ақындар ару қаламызға арнаған өлеңдерін оқып, кештің көркін қыздыра түсті. Шара соңында жалынды жастарға «Қорқыт елі – Қармақшы» жастар қоғамдық бірлестігінің арнайы дайындаған алғыс хаттары мен сый-сияпаттары табысталды.