Армысың, арайлы жаз!
Жаздың жайма шуақ мерзімінде балалар мен жасөспірімдердің бос уақытын мазмұнды ұйымдастыруға, денсаулығына пайдалы iспен шұғылдануға дағдай жасау мақсатында аудандық оқушылар үйінде «Жас толқын» аулалық клубының ұйымдастыруымен «Армысың, арайлы жаз!» тақырыбында мерекелік шара болып өтті. Мерекелік шарада балалар ән салып, би билеп кешті қыздыра түсті. Шара барысында оқушылар арасында «Бақытты балалық шақ» тақырыбында сурет сайысы, «Кел ойнайық, бой жазайық!» тақырыбында спор…ттық сайыс және дойбы жарысы ұйымдастырылды. Аталмыш сайыстарға қатысып жүлделі орындар алған оқушыларға Қармақшы аудандық оқушылар үйінің дайындаған дипломдары мен «Қорқыт елі-Қармақшы» жастар қоғамдық бірлестігі, «Қармақшы жастары» жастар қоғамдық бірлестігі, «Отан» Республикалық қоғамдық бірлестігі Қармақшы аудандық өкілдігі және Қармақшы аудандық Жастар денсаулығы орталығының дәрігері Ұ. Тұрмағамбетованың арнайы сыйлықтары табыс етілді.
