Жақында Астананың 20 жылдық мерейтойына орай, Елорданың М.Өтемісұлы атындағы оқушылар сарайында «Ел жүрегі – Астана» тақырыбында халықаралық көпжанрлы байқау өтті.
Айтулы байқауға аудандық мәдениет үйі жанынан құрылған Сәния Молдабаева жетекшілік ететін «Айқаракөз» би ансамблі қатысты. «Хорезм» биімен өнер көрсеткен балалар ансамблі «Хореография» жанры бойынша 28 би тобы ішінен бас жүлдені жеңіп алып, Сыр елінің мерейін асқақтатты.
– Байқауға еліміздің әр түкпірінен кәсіби деңгейі жоғары би топтары қатыстырылды. Қазылар алқасында кіл мықтылар отырды. Балаларымыздың биіктен көрінуіне септігін тигізген С.Молдабаеваға алғысымызды білдіреміз, – дейді топ мүшесінің анасы Гаухар Жәкебайқызы.