Семинарға аудандық қоғамдық кеңес мүшелері, үкіметтік емес ұйым жетекшілері, саяси партия өкілдері қатысты. Соңынан аудандық Қоғамдық кеңестің мәжілісі өтті.

Кеңестің күн тәртібінде: «Аудандағы ветеринария саласындағы атқарылған жұмыстардың жайы туралы» аудандық ветеринария бөлімінің басшысы А.Қалжановтың, «Ауданда қоғамдық көліктердің қызмет көрсету сапасы мен жолаушылар тасымалдау қызметінің жағдайын зерделеудің қорытындысы туралы» қоғамдық кеңестің салалық комиссиясының төрағасы С.Медеуовтың хабарламасы, Жосалы кентінің тұрғыны, ардагер дәрігер М.Ерболатовтың қоғамдық кеңеске ұсынысы жайлы, «2019-2021 жылдарға арналған аудандық бюджет туралы» Қармақшы аудандық мәслихатының 2018 жылғы 25 желтоқсандағы №217 шешіміне өзгерістер енгізу туралы» Қармақшы аудандық мәслихат шешімінің жобасы туралы» мәселелер қаралып, тиісті мекемелерге ұсынымдар беру туралы қоғамдық кеңестің қарары қабылданды.