АЛДЫН АЛҒАН ҚАПЫ ҚАЛМАЙДЫ

«Нұр Отан» партиясы Қармақшы аудандық филиалының мәжіліс залында «Конго- Қырым геммориялық қызбасынан сақтану және менингококкты инфекцияның алдын - алу тақырыбында дөңгелек үстел отырысы болып өтті. Отырысты «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Д.Буханов ашып жүргізіп отырды. Отырысқа аудандық мәслихат депутаты К. Раева, аудандық жұқпалы аурулар дәрігері Ұ.Абдулхамидов, Қармақшы аудандық қоғамдық денсаулық сақтау басқармасының басшысы Г.Төлепбергенова, аудандық ветеринария бөлімінің басшысы, А.Қалжанов және бастауыш партия ұйымы жетекшілерімен үкіметтік емес ұйым төрағалары, БАҚ өкілдері қатысты. Шара барысында аудандық жұқпалы аурулар дәрігері Ұ.Абдулхамидов, Қармақшы аудандық қоғамдық денсаулық сақтау басқармасының басшысы Г.Төлепбергенова, аудандық ветеринария бөлімінің басшысы, А.Қалжановтар аудан көлемінде «Конго- Қырым геммориялық қызбасынан сақтану және менингококкты инфекцияның алдын – алу мақсатында атқарылып жатқан жұмыстары аясында хабарлама жасап, Қазіргі таңда менингококкты инфекциясы бойынша эпидемиологиялық ахуал тұрақты екенін айтты.