Төтенше жағдайларды болдырмау және алдын алу шаралары

«Нұр Отан» партиясы Қармақшы аудандық филиалы Қармақшы ауданының төтенше жағдайлар бөлімімен бірлесіп, табиғи және техногендік сипаттағы төтенше жағдайлардың алдын алу мақсатында аудандық партия филиалының мәжіліс залында дөңгелек үстел отырысы болып өтті. Дөңгелек үстел отырысында Қармақшы аудандық төтенше жағдайлар бөлімі бастығының уақытша міндетін атқарушы азаматтық қорғау капитаны Е.Назарқұлов төтенше жағдайлардың алдын алу мақсатында бірқатар жұмыстар атқарылып келетінін айтып өтті.

Шараға «Нұр Отан» партиясы Қармақшы аудандық филиалы төрағасының бірінші орынбасарының міндетін атқарушы К.Көбекова, Халықаралық «Қазақ тілі» қоғамы Қармақшы аудандық филиалының төрағасы Ә.Құлдүйсенов, «Жас Отан» ЖҚ аудандық бөлімшесінің төрағасы А.Скендиров, «Нұр Отан» партиясы Қармақшы аудандық филиалының сарапшысы Ж.Мұханбетқалиев және БАҚ өкілдері қатысты. Кездесу барысында төтенше жағдайларды болдырмау және алдын алу шаралары туралы ойларын ортаға салды.