Биыл Ұлы Отан соғысының аяқталғанына-73 жыл. Адамзат баласына қайғы-қасірет әкелген осы зұлмат соғысқа ауданымыздан 5 мыңға жуық азамат қатысып, оның жартысынан астамы майдан даласында мәңгілікке мекен тапты. Жартысы хабарсыз кетті, ал енді бірі елге оралып, ұрпақтарымен бірге бақытты ғұмыр кешуде.
Міне, соғыс ардагерлерін ұлықтау мақсатында «Ардагерлерді ардақтайық» партиялық жобасы аясында «Нұр Отан» партиясы аудандық филиалы төрағасының бірінші орынбасарының міндетін атқарушы К. Көбекова, партия филиалының сарапшысы Ж. Мұханбетқалиев, «Қоғамдық келісім» КММ –нің этносаралық қатынастар жөніндегі Қармақшы ауданы бойынша сарапшысы Н. Айтбаева, «Теміржол» БПҰ төрағасы, «Жас Отан» ЖҚ жетекшісі А Скендиров пен партия белсенділері Ұлы Отан соғысының ардагері 92 жасты алқымдаған Қуанышбай Бисенбаевтың отбасында болды.
партия филиалы төрағасының бірінші орынбасарының міндетін атқарушы К.Көбекова Елбасының қамқорлығымен өңір тұрғындарының әлеуетін арттыру мақсатында атқарылып жатқан жұмыстармен таныстырса, сөз кезегінде майдангер Ұлы Отан соғысы жылдарында майдан даласындағы өткізген отты күндер мен бейбіт жылдардағы өнегелі өмір жолынан естелік айтты, ауданда атқарылып жатқан игі істерге ризашылығын білдіріп, батасын берді.