Арықтағысы келетін адамдарға арналған кешкі астың 4 ережесі
Бүгінгі таңда арықтағысы келіп, түрлі тәсілдерді қолданып жүрген адамдардың саны жетерлік. Алайда артық қылам деп, тыртық қылып алып жатқандар да бар. Біз бүгінгі мақаламызды диета ұстағысы келіп, бірақ қалай бастарын білмей жүрген жандарға арнағымыз келіп отыр. Оны бірден бастап кету оңайға соқпайтыны анық. Сондықтан кешкі астан бстағанды жөн көрдік. Сіздердің назарларыңызға арықтауға бел буған адамдарға арналған кешкі астың 4 ережесін ұсынамыз.
1. Диетикалық кешкі ас әрдайым салқын болу керек. Егер арықтағыңыз келіп жүрсе, кешкі асқа көбіне көкөністерден жасалған жеңіл-желпі салаттар немесе буға пісірілген балық пен тауық жегеніңіз дұрыс.
2. Кешке қарай жеміс-жидектерден бас тартыңыз. Оны таңғы және күндізгі уақытта тұтынғаныңыз абзал. Өйткені банан, алма, апельсин секілді жемістер таңғы ас пен түскі астан кейінгі десертке жақсы келеді.
3. Спагетти - керемет кешкі ас. Диетада отырған адамдарға тек кілегей соус жеуге болмайтынын ескерсек, оның орнына қызанақ соусын қолдануға болады.
4. Кешкі сағат 6-дан кейін тамақтануға болмайды деп ойламаңыз. Ол тек сағат 9-да ұйықтайтын адамдарға арналған. Нешеде жатсаңыз да, ұйықтардан 3 сағат бұрын тамақтанып алсаңыз болды
anabol.kz
