Трамп алғашқы рет жоғарғы деңгейде кешкі ас береді

АҚШ президенті Дональд Трамп және оның жұбайы Меланья мемлекет үшін маңызы бар жоғарғы деңгейде алғашқы рет дастарқан жаяды.
Трамп әулетінің аса мәртебелі қонағы АҚШ-қа ресми сапармен барған Франция президенті Эммануэль Макрон болмақ. Макрон жұбайы Бриджитпен бірге Ас үйдің асханасында Меланья Трамптың билеп-төстеуімен берілетін астан дәм татады.
Айта кету керек, алдыңғы президенттер берген астан айырмашылығы бұл жолғы қабылдау көрпеге қарай көсілген шара болады. Себебі бұрын 350 қонақ шақырылса, Трамп тек 120 адамды қабылдайды. Осыған дейінгі кешкі аста Бейонсе секілді әйгілі әншілер өнер көрсетсе, бұл жолы Вашингтон ұлттық операсының солистері ән шырқайды екен.
Ең қызығы, дастарқанға қойылатын салаттың барлығы Ақ үй жанындағы бау-бақшада өскен көкөністерден әзірленеді. Сондай-ақ бұл кешке журналистер шақырылған жоқ