Жақында Алматы қаласындағы орталық стадионда жеңіл атлетикадан ересектер арасында Қазақстан Республикасының көктемгі чемппионаты өтті.

Міне, еліміздің барлық аймағынан ең үздік деп танылған желаяқтар қатысуымен өткен дүбірлі додаға Сыр бойы құрамасы сапында қармақшылық Рақымжан Келманов та қатысқан еді.

Қармақшы аудандық 16 олимпиадалық резервтің мамандандырылған балалар мен жасөспірімдер мектебінің жаттықтырушылары М.Кетебаев пен Р.Сарбасованың үкілеген шəкірті Рақымжан Келманов 1500 жəне 5000 метр қашықтыққа жүгіріп, екеуінен де I орынды жеңіп алды.

Бұған дейін де бірнеше рет ересектер арасында өткен республикалық жəне халықаралық жарыстарда аймақ мерейін асқақататып жүрген жерлесіміз енді 23-24 мамыр күндері Алматы қаласында өтетін бүкілқазақстандық спартакиада да Сыр бойы елінің намысын қорғайды.