Жуырда Қарағанды қаласында 2003-2004 жылдары туылған жасөспірімдер арасында жеңіл атлетикадан ел чемпионаты өтті.

Міне, еліміздің барлық өңірінен жиналған жеңілатлетшілермен бірге Сыр бойы құрама командасы сапында біздің де жерлестерімз қатысып, өздерінің нәтижелі көрсеткіштерімен аймақ абыройын асқақтатты.

Нақтырақ айтқанда, аудандық №15 олимпиадалық резервтің мамандандырылған балалар мен жасөспірімдер мектебінің жаттықтырушысы Рашида Сарбасованың үкілеген шәкірті, Сүлеймен Есқараев атындағы №27 орта мектептің 9 сынып оқушысы Ақансері Әбдісамат найза лақтыру жарысында көш бастап, ел чемпионы атанды.

Енді, жерлесіміз ағымдағы жылдың шілде айында Алматы қаласында спорт мектептері арасында өтетін ел чемпионатында Сыр бойы намысын қорғайды.

Нұрбай ӘБІЛАХАТҰЛЫ,

«Қармақшы таңы».