ЖЕЛАЯҚ ЧЕМПИОН
Жақында Өскемен қаласында жеңіл атлетикадан жастар арасында Қазақстан Республикасының қысқы чемпионаты өтті.
Олимпиада чемпионы Ольга Рыпакова атындағы жабық спорт кешенінде өткен дүбірлі жарысқа Сыр бойы құрамасы сапында №15 олимпиадалық резервтің мамандандырылған балалар мен жасөспірімдер спорт мектебінің жаттықтырушылары Мұрат Кетебаев және Рашида Сарбасованың шәкірті Рақымжан Келманов та қатысты.
Жарыс барысында 2000 метрлік қашықтыққа кедергі арқылы жүгіруде желдей есіп, Қазақстан құрамасы сапында бірге өнер көрсетіп жүрген шымкенттік және астаналық командаластарынан бұрын мәреге бірінші болып жеткен Рақымжан жарыс жеңімпазы атанды.
Сонымен қатар, Рақымжан ересектер арасында 2000 метр қашықтыққа кедергі арқылы жүгіруде жүлделі ІІ орынды иемденді.
Нұрбай ЖАНӘДІЛОВ,
«Қармақшы таңы».
