ОҒЛАНДАР ОЛЖАЛЫ ОРАЛДЫ
Жуырда Қызылорда қаласында мектеп және колледж оқушылары арасында республикалық ІХ жазғы спартакиада өтті. Еліміздің барлық аймағынан жиналған спортшылар спорттың 9 түрі, оның ішінде күрес түрлері, таэквондо, каратэ-до, гандбол, шахмат, ауыр атлетика және тоғызқұмалақ
жарыстары бойынша өзара бақ сынасты.
Бір аптаға созылған дүбірлі жарыста қазақ күресі жарысында аймақ намысын қорғаған қармақшылық боз кілем шеберлері өңір намысын қолдан бермеді. Нақтырақ айтқанда, Темірлан Қуантаев, Диас Мәжитов, Нұршат Әбілтаев өз салмақ дәрежелері бойынша жеңімпаз атанса, Айдын Жылқыбаев пен Бақдәулет Төлешовтер жүлделі ІІ және ІІІ орындарға көтеріліп, аудан абыройын асқақтатты.
Осылайша аймақ атынан жарыс жолына шыққан №16 аудандық балалар мен жасөспірімдер спорт мектебінің жас бозкілем шеберлері қазақ күресі жарысында командалық есеп бойынша республикалық ІХ жазғы спартакиаданың жеңімпазы атанса, Қызылорда облысы құрамасы жалпы командалық есепте спартакиаданың қола жүлдегері атанды.
«ҚТ» ақпарат.
Пікір 1