Жуырда Қостанай қаласында 2002-2003 және одан да кейінгі жылы туған жасөспірім зілтемір шеберлері арасында Қазақстан Республикасының кезекті чемпионаты өтті.
Еліміздің барлық өңірінде өз салмақ дәрежелері бойынша үздік деп танылған жас зілтеміршілермен бірге біздің де жерлестеріміз, яғни №15 олимпиадалық резервтің мамандандырылған балалар мен жасөспірімдер спорт мектебінің ауыр атлетика спортының аудан бойынша аға жаттықтырушысы Айдар Ерәливтың үкілеген шәкірттері Сыр бойы елі құрамасы сапында аймақ намысын қорғады.
Сонымен, бір аптаға созылған тартысты өткен жарыс қорытындысымен помост төрінде қарсыластарынан оза шапқан №27 орта мектептің 8 сынып оқушысы Данияр Сайлаубеков өз салмағында жарыс жеңімпазы атанса, қыздар арасында өнер көрсеткен №250 мектеп-лицейдің 9 сынып оқкшысы Кристина Буторина да жүлделі ІІ орынға көтеріліп, аудан абыройын асқақтатты.