Ақерке – үздік ойыншы
qarmaqshy-tany.kz Жалағаш кентінде 2006-2007 жылдары туған жасөспірім қыздар арасында қол добынан облыс біріншілігі өтті. Аймағымыздың барлық өңірінің қол добы шеберлері құрама командасымен бірге облыс біріншілігінің жүлдесін сарапқа салған жарыста жүлдегер командалар анықталды.Сонымен қатар, жарыста өздерінің үздік ойынымен көрермен көзайымы атанған үздік ойыншылар да түрлі номинациялармен марапатталды. Олардың қатарында біздің де жерлесіміз, №16 аудандық балалар-жасөспірімдер мектебінің жаттықтырушылары Жасұлан Сарбасов пен Сұлтан Сақтағановтың шәкірті, аудан құрамасының мүшесі Ақерке Ібіраш көрермен көзайымы атанып, «Үздік сол қапталдағы жартылай қорғаушы» номинациясына ие болды.
Нұрбай Жанәділов
