qarmaqshy-tany.kz Жақында Қызылорда қаласында 2007-2008 жылдары туған жасөспірімдер арасында футболдан облыс біріншілігі өтті.

Өңіріміздің барлық аймағынан спортшылар қатысқан аталмыш бәсекеде Байқоңыр қаласының балалар мен жасөспірімдер спорт мектебінің жаттықтырушысы Теміржан Атағұловтың дайындаған командасы ІІІ орын жүлдегері атанып, жерлестеріміздің мерейін тасытты.

Жарыс барысында өзінің үздік ойынымен көрермен көзайымы атанған жерлесіміз Нұртуған Сәбитұлы «Үздік қорғаушы» номинациясын жеңіп алды.

Жарыс барысында үздіктер қатарынан көрінген Айдос Байшылықов пен Азамат Серікбаев «Қайсар» және «Байқоңыр» футбол клубтарымен кәсіби келісімшарттарға қол қойды.

Сонымен бірге кәсіби шеберлігімен көзге түскен «Каспий» шағын футбол командасының мүшесі Байқоңыр қалалық балалар мен жасөспірімдер спорт мектебінің түлегі Рашит Жахангир Қазақстан құрамасына шақырылды.