Қыздар арасында қол добынан VI облыс чемпионатының ІІІ айналымы өз мәресіне жетті

Қызылорда облыстық дене шынықтыру және спорт басқарамасының және Қызылорда облыстық қол добы федерациясының ұйымдастыруымен VI облыстық чемпионаты үстіміздегі жылдың наурыз айынан басталған болатын.

Чемпионаттың негізгі мақсаттары – аймағымызда спорт түрлерін дамыту арқылы салауатты өмір салтын қалыптастыру қағидаттарын насихаттау, барлық елді мекендерде қол добы ойының одан әрі дамыту, тұрғындарды дене шынықтыру мен спортпен жүйелі шұғылдануға тарту, қыздар арасында қол добы ойынын шеберлік деңгейін көтеру, спорт резервін даярлауды қамтамасыз ету, облыс құрама командасын үздік ойыншылармен толықтырып республикалық жарыстарға қатыстыру.

Жосалы кенде өткізілген қыздар арасындағы қол добынан ІІІ айналым қортындысы бойынша жерлестеріміз төрт ойын өткізіп төртеуінде жеңіске жетті. Облыс чемпионаты 7 аудан және қала командасы аралығында өтті.

Жарыс қортындысы бойынша үздік ойын өрнегін көрсеткен Қармақшы аудан командасының қыздары Камалова Аңсаған «Үздік сол қапталдағы ойыншы» және Хамитова Аружан «Үздік ойыншы» номинациасымен марапатталды.

Қол добынан ІІІ айналымның нәтижесімен Қармақшы ауданының қыздар командасы турнир кестесінің Қызылорда қаласы «Қайсар» командасынан кейінгі ІІ орынға жайғасып плей-офф кезеңіне жолдама алды.

Ақтық ойын қыркүйек айының 22-25 аралығында Жаңақорған ауданында өтеді.