Қол добынан аудандық біріншілік өтті

qarmaqshy-tany.kz Ү.Томанов атындағы №183 орта мектебінің спорт залында гандболдан 2009-2010 жылы туған жасөспірім қыздар арасында аудан біріншілігі өтті.

Қызықты да тартысты өткен жарыс қорытындысымен І орынды Т.Көмекбаев атындағы №250 мектеп-лицейінің командасы жеңіп алса, жүлделі ІІ және ІІІ орындарды Ақтөбе ауылындағы №109 орта мектеп пен Ақжар ауылындағы №28 орта мектеп командалары өзара бөлісті.

Жарыс барысында өздерінің үздік ойындарымен көрермен көзайымы атанған ойыншылар мен жүлдегер командалар олимпиадалық резервтің мамандандырылған аудандық №15 балалар мен жасөспірімдер мектебінің мадақтамаларымен марапатталды.