ҒАЛЫМЖАН ӘЛЕМ КУБОГІНІҢ ЖҮЛДЕГЕРІ

Жуырда Мәскеу қаласында самбодан ересектер арасында әлем кубогі аясында А. Харлампиевті еске алуға арналған дәстүрлі халықаралық мемориал өтті.
Дүниежүзінің  28 мемлекетінен ең үздік деген 300-ге жуық бозкілем шеберлерінің қатысуымен өткен байрақты додаға Қазақстан Республикасының құрама командасы сапында  аудандық спорт клубтың жаттықтырушысы Әділбек Серікбаевтың үкілеген шәкірті, жерлесіміз Ғалымжан Әбдірахманов та қатысты.
74 келі салмақ дәрежесі бойынша өнер көрсеткен Ғалымжан  ақтық белдесуде ресейлік балуан Максим Ивановтан 5-2 ұпай санымен жеңіліп, жүлделі ІІ орынды иемденді.
Нұрбай ӘБІЛАХАТҰЛЫ.