ЛАТЫН ӘЛІПБИІНЕ КӨШУ – РУХАНИ ЖАҢҒЫРУ ТАЛАБЫ

Мемлекет басшысы «Болашаққа бағдар: рухани жаңғыру» атты бағдарламалық мақаласының екінші тарауында «2025 жылдан бастап латын әліпбиіне көшуге кірісуіміз керектігін» мәлімдеген болатын. «Латыншаға көшудің терең логикасы бар. Бұл қазіргі заманғы технологиялық ортаның, коммуникацияның, сондай-ақ ХХІ ғасырдағы ғылыми және білім беру процесінің ерекшеліктеріне байланысты» делінген.

Осы орайда, латын әліпбиіне көшу жөнінде түсіндірме жұмыстарын жүргізу және латын әліпбиіне көшудің маңыздылығы туралы терең мағлұмат беру, қоғамдық пікір қалыптастыру мақсатында Қызылорда облыстық тарихи-өлкетану музейінде «Латын әліпбиіне көшу - рухани жаңғыру талабы» атты дөнгелек үстел ұйымдастырылды.
Аталған шараға облыстық "Рухани жаңғыру" орталығының маман-ғалымы Б.Әбжіт, Қызылорда облыстық тарихи-өлкетану музейі директорының орынбасары Ж.Ахметова және қор сақтау бөлімінің қызметкері Н.Бермаханова қатысты. Ұсынылған мәселе төңірегінде өз пікірлерін ортаға салып, Елбасымыздың жаһандану өркениетіне қарай басқан қадамын ұлт болып қолға алуға шақырып, латын әліпбиіне көшу бүгінгі жаңа технологияларға тиімді екенін жеткізді