Тұлғалардың өтініштері сапалы қаралуы қажет

Құқықтық және зайырлы мемлекет ретінде Қазақстанда азаматтардың еркін де тыныш өмір сүруі, олардың заң­ды құқықтарының сақталуы мен қорғалуы, қоғамда заң үстемдігін орнату – мемлекетіміздің басты айынымас бағдары.

Конституциядан бастау алатын елі­мізде барлық қабылданатын норма­тивтік-құқықтық акті халықтың өмір сүру деңгейін көтеру мен азаматтардың құқығын қорғауға бағытталуда. Осыған дәлел ретінде 2007 жылғы 12 қаңтарда қабылданған «Жеке және заңды тұлғалар өтініштерін қарау тәртібі туралы» Қазақ­стан Республикасының Заңы (ары қарай - Заң) деп айтуға болады. Заң жеке және заңды тұлғалардың құқықтарын, бостандықтары мен заңды мүдделерін іске асыруға және қорғауға байланысты қоғамдық қатынастарды реттеуге бағытталған.

Осы орайда, саладағы заңдылықты қа­дағалау ҚР Бас прокуратурасы Құқықтық статистика және арнайы есепке алу жөніндегі комитеті және оның аумақтық орган­дарының қызметіндегі басым ба­ғыттарының бірі болып келеді.

Атап айтқанда, Комитеттің Қызылорда облысы бойынша басқармасымен 2018 жылдың қорытындысымен облыс көлемінде 68 мемлекеттік орган­дардың тұлғалар өтініштері туралы статис­тикалық есептері автоматты түрде қалыптастырылды.

Сонымен қатар, өткен жылы Басқармамен мемлекеттік органдарда жүргізілген тексерулер мен мони­торингтердің нәтижелері бойынша анық­талған заң бұзушылықтарға байланысты қолданылған прокурорлық қа­дағалау актілерінің негізінде жауапты қыз­мет­керлер тәртіптік жауаптылыққа тартылды.

Бұған қоса, Басқарманың бастамасымен мемлекеттік органдарда оқыту сабақтары ұдайы өткізіліп, онда қызметкерлердің білім­­дерін жетілдіруге, тәжірибелік және ме­тодикалық көмектер көрсетіліп отырады.

Осы атқарылған жұмыстардың нәти­жесінде 2018 жылдың қоры­тындысымен қалыптастырылған статисти­калық есепте мерзімі бұзылып қаралған өтініштер, есепті мерзімнің аяғына қалдықта қалған өтініштер және қайталама түскен өтініштер саны едәуір азайғаны байқалады.

Мемлекет пен азамат арасында тығыз қарым-қатынас орнатып, азаматтардың мем­­лекеттік органдарға деген сенімін арт­тыруға жүйелі жұмыстар жүргізіліп келеді.

Оның тиімділігі азаматтарға мемле­кеттік органдар тарапынан көрсетілетін қызметі сапасын арттыру, бүгінгі күннің өзекті мәселесі болып табылады.

Сондықтан, тұлғалардың өтініштерін қарауда әуре-сарсаңға салып, мемлекеттік органдар арасында сандалтуды азайту, мемлекеттік органдарда жұмыс істейтін жауапты қызметкерлердің жеке жауапкершіліктерін арттырып, оған мемлекеттік органдар басшылары тарапынан бақылауды күшейтуге басты назар аудару қажет.