Жеңіл ойлау, қарабасының қамын күйттеу, құлқынның дегенінен аса алмау, одан қалса жағымпаздық. Мұндай таязойлы қасиеттер қазақтың қанында болып па еді? Бәлкім болды. Ал, қазір қалай? Осы пайыздың көтеріліп кеткенін күнде көзбен көріп, көкейге түйіп жүрміз. Бір-біріне қастандық жасау, өз дәрежесін көтеру үшін досын сатып кету, кей қыздардың селтеңдікке салынуы ненің кесірі?

Осы кемшіліктерді жою үшін, не істеуіміз керек? Әрине, даусыз қазақ халқына бас көтере алатын ірі тұлғалар керек. Кезінде еліміз бір жола Ресейге сіңіп кетудің аз-ақ алдында тұрғанда Алаш арыстары: Әлихан Бөкейханов, Ахмет Байтұрсынұлы, Міржақып Дулатұлы айдарынан жел ескен Сталиннен қазаққа азаттық алуды ойлады?! Бұлардың бәрі бір туар, қаны таза, рухы азат азаматтар болатын. Біздің заманымызда да қиындықты қасқайып тұрып қарсы алар ерлер жетеді. Бірақ көбі намыспен жігердің жетіспеуінен көрінбей жүр.

Адам бойында ең басты қызмет атқаратын ағза – қан. Қазақ бұған: «Қанында бар екен», «Қан­­мен келген қасиет», «Тазақанды екен», – деп тәндегі айналып жүрген қанның қадірін осылай білдіріп кеткен. Енді тиісінше қисынға ке­­летін пікір қалыптастырып көрейік. Қан бір-біріне ұқсастығы қаншалықты алыс бол­­ған сайын сапалы өнім пайда болады. Ар­найы бәйгеге қосатын асыл тұқымды жыл­қыларды да қанының алыстығына қарап жа­қындастырады. Мысалы, түріктің ақалтеке тұ­қымынан араб, тазақанды ағылшын, қара­бақ, т.б. жылқы тұқымдары алынған. Халық ара­сында өзге ұлттардың қосылуынан туған баланың өңі ашық, сұлу келеді дегенде пікір жоқ емес.

Енді осы айтылған деректерді топтастыра келе адам баласына қолдануға бола ма деген сұраққа жауап беріп көрейік. Бұл ойымызбен қазаққа тектілікті, таза қандылықты қайтарсақ деген асыл ниет бар. Ол үшін қазақ жүздерінің тарихына тоқталсақ, қазақ неге үш жүзге бөлініп өмір сүрген. Бұл туралы әр ғалым әр түрлі дерекпен дәйегін келтіреді. Ш.Уәлихановтың пікірі бойынша, «Алтын Орда мемлекетінің ыдырауы кезінде қазақта өздері көшіп жүретін жерлердегі өз құқықтарын қорғау үшін осындай үлкен одақтар құрған» десе, Н.Аристов «жүздерге бірігу жоңғар шап­қыншылығы кезінде шыққан», – депті. Қалай болған күннің өзін де қазақтың жүзге бөлінуі қан араласпауын тыйды.

«Мәңгілік Ел жастары – индустрияға!», «Серпін – 2050» сияқты мемлекеттік бағдар­ла­­­масы 2014 жылдан бастап орындалуда. Бағ­дарламаның мақсаты – халқы тығыз орна­лас­қан еліміздің оңтүстік аймақтарындағы (Ал­­маты, Оңтүстік Қазақстан, Жамбыл, Қы­зылорда) жастарды кадр жетіспеушілігін бас­тан кешіріп отырған Қазақстанның шығыс, солтүстік және орталық өңірлерінде оқытып, жұмысқа орналастыру. Осы бағдарламаны қар­қынды түрде жалғастыру керек. Оңтүс­тіктегі жастарды жұмыспен, баспанамен қамтамассыз етіп, еліміздегі орыстанған жер­­лер­ге қоныстандырсақ ұтарымыз көп. Салт-дәстүріміз жаңғырады. Тілімізді дамытамыз. Сол жақтағы орыспен өмір сүріп, біте қайнасып кеткен халықтың санасын жаң­ғыртамыз. Ең бастысы жастарда расында байланыс болады.