ДӘМЕГҮЛ МЫРЗАҒАЛИЕВА КӨШЕСІ

1992 жылы аудан әкімі Жақай Бодықбаев­тың аудан орталығы мен барлық елді мекен­дегі көше және мекеме атауын заман талабына сай өзгерту мақсатында сол жылдың 5-науры­зын­дағы шешімімен Калинин көшесі Дәмегүл Мырзағалиева болып өзгертілді.

Дәмегүл Мырзағалиева көшесі Жосалы кентінің батыс бөлігінде орналасқан. Басы Сырдария өзені мен Қараөзектің қосылған жерінен басталып, аяғы көне сүт-май зауытына дейін созылған.

Дәмегүл Мырзағалиева 1912 жылы Орынбор қала­сында туып, 1933 жылы Қармақшыда өмірден озған. Ол қазіргі №26 орта мектепті тәмамдаған соң, 1926-1930 жылдары аралығында Қармақшы ауданында Сақыпжамал Кәленова және басқа да құрбыларымен алғашқы жастар ұйымын ұйымдастырушы ретінде бел­сенді жұмыс істеген.

Дәмегүл Мырзағалиева өңірімізде әйел бостандығы мен теңдігі, сонымен бірге өңір қыздарының жан-жақты білім алып, ер-азаматтар сияқты қоғамнан өз орнын табуға атсалысуға, ел экономикасын нығайтуға аянбай жұмыс істеген.

Сонымен бірге, елде ұжымдастыру, жастарды білім алуға тарту сияқты қоғамдық жұмыстардың басында жүріп, көптеген аудан қыз-келіншектеріне демеу көрсеткен. Бірақ, аудан жастарының көшбасшысы, жалынды жас Дәмегүл Мырзағалиева 1933 жылы 21 жасында өмірден өтті.

Бүгінде Жосалы кентінде Қорқыт ата мен Аманкелді көшелері аралығында, яғни «Сұлтан» сау­да орталығының алдында орнатылған Дәмегүл Мырзағалиева атындағы саябақта өңір жастарының көшбасшысына құрмет ретінде ескерткіш-монумент қойылған.

Ескерткіш-монумент Қармақшы ауданының жергі­лікті тарихи маңызы бар ескерткіштер тізіміне енген.