2017 ЖЫЛЫ НЕСИЕЛЕНДІРІЛГЕН ЖОБАЛАР

Кәсіпкерлікті қолдауға бағытталған мемлекеттік бағдарламаларды жүзеге асыруға тұрақты негізде жұмыстар жүргізіліп, жаңа жұмыс орындарын ашуға, кәсіпкерлік субъектілерінің жұмыс істеуіне жағдай жасалды. 2017 жылы қаржы ұйымдары тарапынан 330 жобаға 1 млрд 93 млн. теңге жеңілдетілген несие берілді. Бағдарламаның жобаларды ұйымдастыру және іске асыру мақсатындағы мемлекеттік гранттар беру компоненты бойынша ағымдағы жылы 2 конкурсқа аудан бойынша… 54 жоба қатысып, 16 жоба 10,8 млн теңгенің қайтарымсыз грантына қол жеткізді.

«Қызылорда» Өңірлік инвестициялық орталығы» арқылы өндіріс және қызмет көрсету саласындағы 7 жоба іске асырылып, 30,5 млн теңгеге қаржыландырылды.

«Даму Өңірлер» бағдарламасы аясында екінші деңгейлі банктерден 5 жоба 84,5 млн теңгеге қаржыландырылды.

«Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған» бағдарламасы бойынша 133,7 млн. теңгеге 53 жоба жүзеге асырылды.

2017 жылы шағын және орта кәсіпкерлік субъектілерінің саны 4135 болып, өткен жылдың тиісті кезеңімен салыстырғанда 25,0 пайызға артты. Олардан түскен салықтың көлемі 274,0 млн. теңгені құрап, былтырғы жылмен салыстырғанда 12,0 пайызға көбейді.