Елбасының саясатын жүзеге асыру мақсатында шағын және орта кәсіпкерлікті дамытуға, жаңа жұмыс орындарын ашуға, сол арқылы аудан экономикасын дамытып, аудан бюджетінің кірістер бөлігін ұлғайтуға жұмыстар жүргізілуде. Жалпы, соңғы үш жылда аудан экономикасының өсу динамикасы қалыптасып келеді. 2015 жылы аудан бюджеті 8 млрд. 154 млн. теңге, 2016 жылы 9 млрд. 958 млн. теңге. Ал, 2017 жылы аудан бюджеті 10 млрд. 343 млн. теңгені құрап отыр. Тиісінше өз кірістеріміз: 2015 жылы 1 млрд. 25 млн теңгені, 2016 жылы 1 млрд. 164 млн. теңгені құраса, 2017 жылдың болжамы бойынша 1 млрд. 318 млн. теңгені құрап, 2015 жылмен салыстырғанда салық түсімдері 36,6 пайызға өсті. 2018 жылдың 1 қаңтарына түсімдер болжамы 10313,6 млн.теңге орнына 10345,9 млн. теңгеге атқарылып, 100,3 пайызды құрады.
