Ол жақында кент орталығынан дүңгіршек құ­растырды. Ұқыпты істелген дүңгіршекте тұтынушыға жылдам дайындалатын тағам түрлерін ұсынуда.
– Қазір кәсіпкерліктің уақыты. Мен де өзімді осы салада сынап көруді жөн санадым. Ойлана келе аудан орталығында жылдам дайындалатын тағам түрлерінің жоқтығын ескеріп, донер, гриль пісіріп сатуды қолға алдым. Жұмыс істей бастағанымызға көп бола қоймаса да тұтынушының сұранысы көңілден шығуда. Сатып жатқан тағам түрлерінің бағасы халыққа қолжетімді. Сапасына да барынша мән береміз, – дейді жас кәсіпкер.
Бекжан Сарманұлы қарамағына бір адамды жұмыспен қамтып отыр. Әмзе Уәлиев – өз ісінің шебері. Дәмді етіп тағам пісіруге машықтанған маман. Шымкент қаласынан білімін жетілдірген.
– Тамақ дайындау – жауапты іс. Оған қойылатын санитарлық талаптар бар. Адам денсаулығының қауіпсіздігі сапалы тағам тұтынумен тікелей байланысты. Сондықтан елге ұсынатын дүниеміз сапалы әрі дәмді болуы үшін тауық, сиыр етін Қызылордадан алдыртамыз. Кәсіп болған соң, оны кеңейтіп, жетілдіріп отыру керек. Келешекте кенттен осындай дүңгіршектің бірнешеуін ашып, басқа да жылдам пісетін тағам түрлерін даярлауға жұмыс істемекпін, – дейді Б.Ахметов.