Кездесу өткізілді

«Нұр Отан» партиясы Қармақшы аудандық филиалының «Жаңажол» бастауыш партия ұйымында №3 «Жаңажол» сайлау округінен сайланған аудандық мәслихат депутаты Т.Ералиев Жаңажол ЖШС-нің егінге орақ түсу барысында еңбеккерлермен кездесті. Кездесу барысында Жаңажол ЖШС агрономы, аудандық мәслихат депутаты Т.Ералиев Елбасы Н.Назарбаевтың «Президенттің бес әлеуметтік бастамасы» атты халыққа үндеуіндегі айтылған бастамалар туралы айтып, Президенттің жаңа бастамаларын жүзеге асыру жеке ісін енді бастаған кәсіпкерлер үшін бизнесін дөңгелетіп алып кетуге мол мүмкіндік беретінін, сонымен қатар ауданымыздың, елді мекендеріміздің де ілгері дамуына дем беріп, игі ықпалын тигізеді – деген пікірін білдірді.