Сайлаушылармен кездесті

№3 «Жаңажол» сайлау округінен сайланған аудандық мәслихат депутаты Т.Ералиев Иіркөл ауылдық округінде өз сайлаушыларымен кездесіп, көшпелі қоғамдық қабылдауын өткізді. Қабылдау барысында «Жаңажол» ЖШС агрономы, аудандық мәслихат депутаты Т.Ералиев Елбасы Н.Назарбаевтың «Президенттің бес әлеуметтік бастамасы» атты халыққа үндеуіндегі айтылған бастамалар туралы айтып, Президенттің жаңа бастамаларын жүзеге асыру жеке ісін енді бастаған кәсіпкерлер үшін бизнесін дөңгелетіп алып кетуге мол мүмкіндік беретінін, сонымен қатар ауданымыздың, елді мекендеріміздің де ілгері дамуына дем беріп, игі ықпалын тигізеді – деген пікірін білдірді.

Кездесу барысында өз сайлауалды бағдарламасы негізінде атқарылып жатқан шараларға тоқталып, алдағы мақсат-міндеттерімен бөлісті. Сонымен қатар сайлаушылар тарпынан қойылған түрлі сауалдарға тұщымды жауаптар берілді.