Жуырда Қармақшы аудандық соты 2018 жылдың жарты жылдығын қорытындылау жиынын өткізді. Шараға аудандық сот төрағасымен бірге сот судьялары мен кеңсе қызметкерлері қатысты. Жиында сөз алған аудандық сот төрағасы Д.Кентбаев жарты жыл ішінде атқарылған жұмыстарды саралады. Ол Қармақшы аудандық сотының өндірісінде 2018 жылдың 6 айында барлығы 33 адамға қатысты 24 қылмыстық іс қаралып, 7 қылмыстық іс бойынша 9 адамға үкім шығарылғанын, 14 қылмыстың іс бойынша 20 адамға қатысты қылмыстық іс өндірістен тоқтатылғанын, 12 қылмыстық іс медиация тәртібімен аяқталғанын айтып өтті.
Сонымен қатар, «Сот кабинеті» электронды ақпараттық жүйесі бойынша сот өндірісіне 309 талап арыз, яғни сотқа келіп түскен арыздың 100 пайызы қаралғанын айта кетті. Есепті мерзімде барлық іс аудио-бейне жазба жүйесі арқылы қаралғанын тілге тиек етті.
Жиын соңында аудандық сот төрағасы Дархан Кентбаев сот әділдігін жүзеге асыру бойынша қойылған сұрақтарға жауап береді.