Қармақшы аудандық сотында бұқаралық ақпарат құралдарының қатысуымен баспасөз конференциясы өтті. Онда аудандық соттың 2017 жылдың 12 айында сот төрелігін атқару қорытындысы сөз етілді.

Баспасөз конференциясына аудандық сот төрағасы Дархан Кентбаев, аудандық сот судьясы Лаура Алибекова, кеңсе қызметкерлері және жергілікті БАҚ өкілдері қатысты.

Сот төрағасы Д.Кентбаев конференция барысында «Сот кабинеті» жүйесі арқылы азаматтардың талап арыздарын электронды түрде берулері жайлы тоқталып, БАҚ өкілдері қызықтырған бірқатар сұрақтарға жауап беріп, баспасөз конференциясына қатысқан журналистерге алғысын білдірді.