Баспасөз конференциясы

Қармақшы аудандық сотымен 2017 жылдың 12 айында атқарылған жұмыстар бойынша жергiлiктi бұқаралық ақпарат құралдары өкiлдерiнiң қатысуымен баспасөз конференциясы өткiзiлдi. Баспасөз конференциясы барысында Қармақшы аудандық сотының төрағасы Д.Кентбаев статистикалық мәлiметтерге тоқталып өттi. 2017 жылдың 12 айында 132 адамға қатысты 87 қылмыстық iс қаралған, 709 азаматтық iстер өз шешiмiн тапқан, 471 әкiмшiлiк iс түсiп қаралған. Iс шара барысында баспасөз өкiлдерi өздерiнiң сұрақтарын қойып, толық ақпарат алды. Сонымен қатар, баспасөз қызметiн үйлестiрушi судья Л.Әлібековамен жергiлiктi телеарна тiлшiлерiне сұхбат берiлдi. Баспасөз конференцияны өткiзудiң мақсаты аудандық сотпен 2017 жылы атқарылған жұмысты қорытындылау және сот органдарының ашықтығы мен қолжетiмдiлiгiн арттыру болып табылады.