БРИФИНГ ӨТТІ
Қармақшы аудандық сотында жергілікті бұқаралық ақпарат құралдары өкілдерінің қатысуымен «Медиация тәртібімен қаралған істер» тақырыбында брифинг өтті.
Брифингте аудандық соттың судьясы Лаура Алибекова медиация тәртібімен қаралған істер туралы хабарлама жасап, 2018 жылдан бастап осы кезеңге дейін аудандық сотта 7 қылмыстық іс, 13 азаматтық іс, 12 әкімшілік іс тараптар бойынша медиация тәртібімен келісімге келуіне байланысты тоқтатылғанын айтты.
Сондай-ақ, ҚР Қылмыстық Кодексінің 293 бабының 1 бөлігімен қаралған С.М.-ға қатысты қылмыстық іс бойынша және талап қоюшы С.-ның жауапкер Ж.-дан жиырма бір жасқа толғанша алимент өндіру туралы медиация тәртібімен тоқтатылған азаматтық ісі бойынша ақпарат берді.
Брифинг соңында судья Лаура Алибекова баспасөз құралдары өкілдері тарапынан қойылған сауалдарға жан-жақты жауаптар берді.
Нұрбай ЖАНӘДІЛОВ.
