Қармақшы аудандық соты «Заңсыз аң аулау» тақырыбында брифинг өткізді

Брифинг барысында аудандық сотының төрағасы Дархан Кентбаев Қазақстан Республикасы ҚК-нің 337 - бабының 4-бөлігінің 2)-ші және 4)-тармақтарымен айыпталғандар Е.С., мен Е.Б.-нің қылмыстық ісі бойынша ақпарат берді.

Қылмыстық іс материалдарына сай, сотталушылар Е.С. және Е.Б, «Toyota Land Cruiser 80» маркалы мемлекеттік белгісі 076LAZ11 автокөлік құралын қолданып, пайдалануға тыйым салынған киік жануарын,  12-ші калибрлі аңшы мылтығын алып, заңсыз аңшылық жасап, 3 бас киік жануарын атып, мемлекетке жалпы құны 14 610 375 теңге мөлшерінде ірі залал  келтірген.

Сотталушылар Е.С. және Е.Б. Қазақстан Республикасы ҚК-нің 337 - бабының 4-бөлігінің 2)-ші және 4)-тармақтарымен кінәлі деп танылып, оларға 3 жыл мерзімге аңшылық қызметпен айналысу құқығынан айырып, 3 жыл 6 ай бас бостандығын шектеу жазасы  тағайындалды.

Брифинг соңында БАҚ өкілдері қылмыстық іс бойынша сауалдар қойып, қойған сауалдарына нақты жауаптарын алды.