Қармақшы аудандық сотында «Медиация заңының қолданылуы» тақырыбында жергілікті баспасөз өкілдерінің қатысуымен брифинг өткізілді.

Брифингті судья Л.Алибекова жүргізді. Шара барысында бүгінгі таңдағы медиация заңының сот тәжірибесінде қолданылу жағдайы, оның тиімділігі мен маңыздылығы айтылды. Сонымен қатар, медиация – жанжалдарды шешу кілті және дауларды реттеу баламасы екендігі, сотқа дейінгі дауларды шешу, өзара тиімді және бейбіт келісімге қол жеткізу, дауласушылық деңгейін төмендету болып табылатындығы, осылайша, тараптардың уақыты мен қаражаты үнемделіп, сот жұмысы жеңілдейтіндігі атап өтілді.

Брифинг барысында судья Л.Алибекова статистикалық мәліметтерге тоқталып, қатысушыларға 2018 жылдың басынан бері 4 азаматтық, 5 әкімшілік және 3 қылмыстық іс медиация тәртібімен тоқтатылғанын және азаматтық істер бойынша мемлекеттік баж сомалары мемлекеттік бюджеттен талап қоюшыларға қайтарылғанын атады.

Шара соңында судья Л.Алибекова БАҚ-ның өкіліне алғысын білдіріп, одан әрі бірлесе отырып жұмыс жасауға шақырды.