Қамқорлық – балаларға

Сейсенбіде "AMANAT" партиясы аудандық филиалының өкілдері Жосалы кентінде орналасқан "Дәметкен ана" балаларды оңалту орталығында болды. Онда аудандық филиалдың атқарушы хатшысы Ғ.Ақжігітов, аудандық жұмыспен қамту және әлеуметтік бағдарламалар бөлімінің басшысы Ғ.Кенжеғұлов, аудандық "Қармақшы таңы" газетінің бас редакторы С.Райымбаева және аталған бөлімнің сектор меңгерушісі Ш.Аликеева орталықта әлеуметтік қызмет алып жатқан балалардың жағдайымен, ондағы атқарылып жатқан жұмыстармен танысты.
Орталықта бүгінде мемлекеттік әлеуметтік тапсырыс аясында жүзеге асырылып жатқан оңалту шарасы аясында ерекше 8 бала арнаулы әлеуметтік қызмет алуда. Іс-шара аясында қызмет алушы балаларға сый-сияпаттар табысталып, оларға қызмет көрсететін мамандардың ұсыныс-пікірлері тыңдалды.
– Алдағы кезде де оң бастамалар жалғасын таба береді. Бала денсаулығы мен оның дамуына жағдай жасау – қоғам алдындағы маңызды міндет саналады. Біз әрдайым осындай әлеуметтік қолдау шараларын назарымызда ұстайтын боламыз, – деді іс-шара барысында аудандық филиалдың атқарушы хатшысы.
Бұл кездесудің ерекше күтімді қажет ететін балалардың қоғамдағы орнын нығайтып, оларға деген қолдау мен қамқорлықтың арта түсуіне жол ашпақ.
С.ДАТ