Аудандық партия мониторинг жүргізді

«Бақытты отбасы» партиялық жобасы аясында «AMANAT» партиясы Қармақшы аудандық филиалының Атқарушы хатшысы Ғ.Ақжігітов, аудандық жұмыспен қамту, әлеуметтік бағдарламалар бөлімінің «Үйден әлеуметтік қызмет көрсету» бөлімшесінің меңгерушісі Ш.Әликеева және аудандық білім бөлімінің әдіскері А.Кенжебаева үйден білім алатын ерекше қажеттілігі бар бірқатар баланың жағдайына және оқу процесіне мониторинг жұмыстарын жүргізді.

Мониторинг барысында үйден білім алатын ерекше қажеттілігі бар балалардың ата-аналары тарапынан балаларға үйден әлеуметтік қызмет көрсету жағдайына және оқу процесіне байланысты шағымдар болмады.

Аралау барысында Ғ.Ақжігітов «Бақытты отбасы» партиялық жобасының мақсаты мен маңыздылығын түсіндіріп, үйден білім алатын ерекше қажеттілігі бар балалардың жағдайы партия назарынан тыс қалмайтынын жеткізді.