Мониторинг жұмыстары жүргізілді
«Nur Otan» партиясы Қармақшы аудандық филиалының жанындағы партиялық бақылау комиссиясы «Бақытты отбасы» және «Кедергісіз келешек» партиялық жобалары аясында мүмкіндігі шектеулі балалардың инклюзивті білім беру нысандарына мониторинг жұмыстарын жүргізді.
Мониторингке «Nur Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, партиялық бақылау комиссиясының төрағасы, аудандық мәслихат депутаты Скендіров Айдынбек Айтбайұлы және аудандық білім бөлімінің әдіскері Тоқабаев Берік Крайбекұлы қатысты.
Мониторинг барысында №183 орта мектепте орналасқан инклюзивті қолдау орталығының жұмыс барысымен танысты. Аталған орталық қазіргі заман талабына сәйкес жабдықталған. Партиялық бақылау комиссиясы арнайы дефектолог мамандарымен пікірлесіп, алдағы жұмыс жоспарларымен танысты. Мониторинг жұмыстары жалғасын табатын болады.
