"AMANAT" партиясы өкілдері әлеуметтік нысандармен танысты

"AMANAT" партиясы Қармақшы аудандық филиалының Атқарушы хатшысы Ғ.Ақжігітов пен аудандық мәслихат депутаты, партияның депутаттық фракция мүшесі Т.Ералиев Дүр Оңғар ауылында болып, партияның Сайлауалды бағдарламасы аясында салынып, ауыл тұрғындарына қызмет көрсетіп отырған дәрігерлік амбулатория мен спорт кешенінің жұмысымен танысты.

Іс-шара барысында партия өкілдері медициналық қызмет көрсету сапасы мен спорт нысандарының ауыл жастары үшін қолжетімділігіне баса назар аударды. Сонымен қатар, қызметкерлердің ұсыныс-пікірлері мен туындаған мәселелер де назарға алынды.

Бұл жұмыстар партияның "Халықпен бірге!" қағидатын басшылыққа ала отырып, елді мекендердегі өзекті мәселелерді шешу жолдарын қарастыру мақсатында жүзеге асырылуда.