Бүгін "AMANAT" партиясы Байқоңыр филиалының Атқарушы хатшысы М.Есбенбетов, аудандық мәслихаттағы "AMANAT" партиясы депутаттық фракциясының мүшесі И.Қабатова, партия филиалының Партиялық бақылау комиссия төрағасының орынбасары Ғ.Бердекеев "AMANAT" партиясының "Өзгерістер жолы: Әр азаматқа лайықты өмір!" атты сайлауалды бағдарламасын іске асыру жөніндегі Қармақшы ауданы бойынша Жол картасы аясында салынып жатқан Ақай ауылдық округіндегі денешынықтыру-сауықтыру кешенінің құрылыс жұмысымен танысты.

Зерделеу жұмыстары барысында мониторингтік топ мердігер мекемесінің ("Өмірзақ" ЖШС) өкілімен кездесіп, бүгінгі күнге дейін атқарылған жұмыстарымен танысты.

Бүгіннен бастап құрылыс жұмысының сапасын бақылау, бөлінген қаржының тиімді игерілуіне, құрылыс материалдарының талан-таражға түспеуіне, онда жұмыс жасап жатқан жұмысшылардың әлеуметтік жағдайы мен техникалық қауіпсіздік ережелерінің сақталуын қадағалау үшін Партиялық бақылау бекеті өз жұмысын бастады.

Партиялық бақылау бекетінің жетекшісі болып, Қармақшы аудандық мәслихаттағы "AMANAT" партиясы депутаттық фракциясының мүшесі И.Қабатова бекітілді.

Партиялық бақылау бекеті құрылыс толық аяқталғанға дейін өз жұмысын жасайды.