«AMANAT» партиясының бастамасымен еліміз бойынша сайлауалды уәделердің орындалу барысын жүйелі бақылап отыру мақсатында 400-ден партиялық бекет ашу жоспарлануда. Басты мақсат - құрылыс сапасын, бөлінген қаражаттың тиімді игерілуін, қауіпсіздік ережелерінің сақталуын, жұмысшылардың әлеуметтік жағдайын, сондай-ақ жалақының уақтылы берілуін бақылауға болады. Осы орайда, Қармақшы ауданы Ақтөбе ауылынан құс фабрикасының құрылысына партиялық бақылау бекетінің топ мүшелері Қармақшы аудандық мәслихаттағы «AMANAT» партиясы депутаттық фракциясының жетекшісі Д.Буханов, аудандық партия филиалы жанындағы партиялық бақылау комиссиясының төрағасы А.Скендіров барып танысып қайтты. Құрылыс жұмысы толығымен аяқталған. Ендігі кезекте керекті құрал жабдықтардың келуі күтілуде. Нысан іске қосылған сәтте 200-ден аса адам жұмысқа алынады. Құс фабрикасы жыл аяғына дейін пайдалануға беріледі деп күтілуде.