Қармақшы аудандық "AMANAT" партиясы филиалының Атқарушы хатшысы Д.Буханов,партиялық бақылау комиссиясының жетекшісі А.Скендіров, Ақжар ауылының әкімі Н.Тұрсынбаева, аудандық білім бөлімі басшысының міндетін уақытша атқарушы Г.Исламханова болып "AMANAT" партиясының "Өзгерістер жолы: Әр азаматқа лайықты өмір!" атты сайлауалды бағдарламасын іске асыру жөніндегі Қармақшы ауданы бойынша Жол картасы аясында Ақжар ауылындағы күрделі жөндеуден өткізіліп жатқан №28 орта мектеп нысанына мониторинг жұмысын жүргізді.
Зерделеу жұмыстары барысында мониторингтік топ мердігер компанияның ("СМП-Қызылорда" ЖШС) басшылығымен кездесіп, бүгінгі күнге дейін атқарылған жұмыстарымен танысты.
Мониторинг барысында арнайы жасақталған топ күрделі жөндеу жұмыстарының сапасына және нысанның мерзімінде аяқталуына басты назар аударды. Мердігер мекеме өкілі нысанды 1 қыркүйекке дейін пайдалануға берілетіндігін жеткізді. Жұмыстың 90% дан астамы біткен, тек абаттандыру жұмыстары қалған.
Сонымен бірге, бүгіннен бастап мектептегі күрделі жөндеу жұмыстарының сапасын бақылау, бөлінген қаржының тиімді игерілуіне, құрылыс материалдарының талан-таражға түспеуіне, онда жұмыс жасап жатқан жұмысшылардың әлеуметтік жағдайы мен техникалық қауіпсіздік ережелерінің сақталуын қадағалау үшін Партиялық бақылау бекеті өз жұмысын бастады.
Партиялық бақылау бекеті орта мектептегі күрделі жөндеу жұмыстары аяқталғанға дейін өз жұмысын жасайды.