Партиялық бақылау комиссия
«Нұр Отан» партиясы Қармақшы аудандық филиалы төрағасының бірінші орынбасары Д.Буханов, аудандық партия филиалының партиялық бақылау комиссиясының мүшесі, аудандық мәслихат депутаты К.Раева, аудандық тұрғын-үй коммуналдық шаруашылық жолаушылар көлігі және автомобиль жолдары бөлімі басшысының міндетін атқарушы М.Саршаева, аудандық құрылыс, сәулет және қала құрылыс бөлімінің статист маманы А.Сұлтановтар Төребай би, Иіркөл елді мекендерінде жол жөндеу жұмыстарымен және жазғы тынығу лагерінің құрылысымен танысты. Өз сөзінде аудандық ЖКХ бөлімі басшысының міндетін атқарушы М.Саршаева Қармақшы аудандық маңыздағы «Самара-Шымкент-Төребай би» автомобиль жолы, «Самара-Шымкент-Иіркөл» автомобиль жолдарына орташа жөндеу жұмыстары жүргізіліп жатқандығын, 2018 жылдың мамыр-қыркүйек айларында қолданысқа берілетіндігін айтып өтті. Партиялық бақылау комиссия мүшелері аталмыш нысандардың құрылысын сапалы және уақытылы тапсыруға қызу жұмыстар жасалып жатқандығын көрді. Алдағы уақытта да құрылыс жұмыстарының барысына рейдтер жүргізу жоспарлануда.
