«Нұрлы жол» бағдарламасы
«Нұрлы жол» бағдарламасы бойынша рейд жұмыстары жүргізілді. «Нұр Отан» партиясы Қармақшы аудандық филиалының партиялық бақылау тобы, аудандық мәслихат депутаты К.Раева, «Нұр Отан» партиясы Қармақшы аудандық филиалының сарапшысы Ж.Мұханбетқалиев және мүшелері болып, «Нұрлы Жол» бағдарламасы бойынша Жосалы кентіндегі №183 мектептің құрылысымен танысып, Төребай би, Иіркөл ауылдарында болды.
Іссапармен барған топ мүшелері Қызылорда облыстық Мемлекеттік сәулет құрылысы бақылауы басқарма басшысының орынбасары М.Мырзалиев, Ш.Қошалақовтар Төребай би, Иіркөл ауылдарындағы 50 орындықты №15 Ақкөгершін, №12 Самал балабақшаларының құрылысымен танысты. Аталған жұмыстардың уақытылы және сапалы орындалуы қажеттілігін айтып өтті және партиялық бақылау жұмыстары өз жалғасын табатындығын жеткізді. Сонымен қатар топ мүшелері жұмыс барысында ауылдардың тыныс-тіршілігі және жағдайымен танысты
