"AMANAT" партиясы Байқоңыр филиалы жанынан құрылған партиялық мониторинг және бақылау тобы Төретам кенті мен Ақай ауылдық округінің сауда үйлері мен дүкендеріндегі күнделікті тұтынатын азық-түлік өнімдерінің бағасына мониторинг жұмыстарын жүргізді.

Партиялық мониторинг және бақылау тобының құрамына Төретам кентінің Ардагерлер кеңесінің төрағасы С.Аралбаев, "AMANAT" партиясы Байқоңыр
филиалының Атқарушы хатшысы М.Есбенбетов, Қармақшы аудандық мәслихаттағы "AMANAT" партиясы депутаттық фракциясының мүшесі С.Жумадьяров, партияның Байқоңыр филиалының Партиялық бақылау комиссия төрағасының орынбасары Ғ.Бердекеев және БПҰ төрағалары кірді.

Зерделеу жұмыстары барысында мониторингтік топ кәсіпкерлермен тілдесіп, ой-пікірлері мен ұсыныстарын тыңдады.

Мониторинг қорытындысына сәйкес тиісті ұсыныстар әзірленіп, жауапты мекемелерге жолданады.